Миләтебеҙҙең ышаныслы ир-азаматын Илшат Ҡансуринды тыуған көнө менән ҡотлайбыҙ.
Илшат ҡусты, үҙеңә, ғаиләңә, туғандарыңа иҫәнлек-һаулыҡ, бәһет-шатлыҡ, һәр төрлө уңыштар теләйбеҙ.
Атай-әсәйеңә – яҡшы ул, ҡатыныңа – ышаныслы ир, балаларыңа – шәп атай, дуҫтарыңа – ышаныслы кәңәшсеһең, шулай булып ҡал.
Гәзит биттәрендә, Интернетта баҫылған мәҡәләләрең халҡыбыҙға файҙалы, көнүҙәк мәсьәләләр хаҡында. Динебеҙ, ерҙәребеҙ, ғаилә, әхлаҡ.
Эле ир ҡорона ингән сағың, эшләйһе эштәр күп. Күңелеңде киң тот!
Халҡым тип, үҙе ғаиләһе менән тырышып донъя көткән, эсмәгән, тартмаған иргә бүләккә башҡорт халыҡ йыры "Азамат".

АЗАМАТ

Санаға ла ектер атты,
Бер әйләнеп йөрөп ҡайтайым.
Алып бирсе ҡағыҙ, ҡәләм,
Азаматҡа бер йыр яҙайым.
 
Алыҫтарҙан, ай, күренгән
Ирәндеккәй тауының аҡ ташы.
Ҡайҙа бармай, ниҙәр күрмәй
Ир-егеткәй менән ат башы.
 
Ир-азамат менгән аттың
Бәкәлдәре уның аҡ булыр.
Аҫыл егет ҡайҙа йөрөһә лә
Ҡылған эше уның хаҡ булыр.

Баймаҡ районының Темәс ауылынан аҡыллы ҡыҙ, яҡшы апай, уңған ҡатын, наҙлы әсәй, шәп уҡытыусы Юламанова Венера Фәрит ҡыҙы 45 йәшлек матур юбилейын билдәләй.
Ҡәҙерлебеҙҙе ғүмер байрамы менән ҡайнар ҡотлайбыҙ һәм изге теләктәребеҙҙе, рәхмәт һүҙҙәребеҙҙе еткерәбеҙ.

Ҡәҙерлебеҙ!
Сәләмәтлегең – ныҡ, күңелең – тыныс, кәйефең һәр саҡ күтәренке булһын. Аяҡ-ҡулдарың һис тә һыҙламаһын. Балаларыңдың игелеген күреп, уларҙың бәхетенә, уңыштарына ҡыуанып, еҙнәй менән, бер-берегеҙҙең ҡәҙерен белеп, шатланып, оҙаҡ-оҙаҡ ғүмер итегеҙ. Аҡыллы кәңәштәр, фатихалар биреүегеҙгә, беҙгә терәк булыуығыҙға ҙур рәхмәт!

Ҡотло булһын тыуған көнөң,
Матур булып атһын таңдарың.
Рәхәт йәшә, изгелеге ҡайтһын
Һин үҫтергән һәр бер балаңдың!

Ғүмерҙе бит йылдар билдәләмәй,
Йәшәү дәрте булһын күңелдә.
Сәләмәтлек, бәхет, ҡыуаныстар
Юлдаш булһын һиңә ғүмергә!

Йылы йөрәктән сыҡҡан изге теләктәр менән – тыуғандарың.